知少少就唔好扮代表 (仲要係地鐵)
節錄自新聞組
<原創>真人真事,今日地鐵既爆笑對答(時下既年青人真係……………唉!)
今日搭地鐵，有兩個十幾歲既女仔上車。佢地見到有個男人份報紙有關碧咸既
野。
甲﹕「就快世界杯，你估碧咸會幫英格蘭定皇馬?」
乙﹕「梗係皇馬啦!」
我O左咀。
甲﹕「咁又係，皇馬咁多球星，英格蘭又無乜球星，梗係皇馬勁D，比著我都幫
皇馬。」
乙﹕「咁皇馬仲有D乜球星?」
甲﹕「咪係6條A LAW!」
乙﹕「即係咩，舉個例?」
甲﹕「碧咸、朗拿度、朗拿甸奴咁LAW!」
全場O咀加忍笑。
乙﹕「咁皇馬實贏晒啦，英格蘭都無球星。」
甲﹕「英格蘭都好似有球星架!」
乙﹕「AR，係喎，莫連奴LAW!」
甲﹕「係LAW，得一個咁大把。」
乙﹕「咁實輸啦，不如買佢輸。」
之後佢地落車，全車人勁笑。
(0)